家常綠活

林麗珊的創意無添加生活

透過AFS,呀囡踏上義大利交流之旅

發表留言

經兩個多月的籌備,呀囡昨晚終於上咗機經AFS (國際文化交流計劃)踏上義大利文化交流一年之旅途。

話說呀囡升上中四後一直不大適應狂谷作文、功課、温書、測驗的日子。曾經小學時時掛口邊「我最仲意做功課」的她,近來同我講,果時仲意做功課係因為做完功課有份滿足感,會令自己好開心。誰知上到高中後,功課做極都做唔完,令佢失去鬥志。功課冇機會做完,利叠利,所欠的功課永遠還不清,但老師仲會問你有冇温到書!我亦感受到佢果種壓力,我們當年讀書、考試那種壓力真的不比現在;家長其實很無奈!

佢開學後兩三個月開始明顯無胃口,好多時對住功課發吽痘,仲問我話好攰,可唔可以唔返學;我見勢色唔對,便反映現象給校方知。校方的反應是「開學無耐係唔係未適應咋?」;第二句係「個制度係咁,冇辦法啦…!」,後來得知唔單只呀女係咁,其實有好多同學同樣受害。還好,後來老師們都有cut咁啲啲功課….

所以我才想到替她請假一年,抖下,學啲比返學、做功課、考試更重要的事….

講番AFS ,他們在香港頗底調。呢個機構全名係"American Field Service", 在第一次世界大戰後成立,目的是運送傷者到醫院,二次大戰其間再次恢復運作;戰後才開始計劃把不同國家的學生互相交流,而達到促進世界和平的目的。

原來身邊有不少朋友曾經AFS到外地交流,他們都大讚得益不淺。我有幸好友黃生、黃太多年前一早叮囑我要把兒子送出去,所以呀仔去完德國之後講過:「經AFS去德國前,覺得打機好重要;去完德國返港就發覺讀書原來更重要!」。好彩呀仔返嚟之後發奮讀書,依家入咗大學。當時佢的德國host dad and mom對佢循循善誘,在生活上教佢好多事,我們真的無言感激(我同意讓別人教仔會更有效!)。去年二人還來港探望我們一家呢!我帶著他們遊玩,作二次交流。那種奇妙的緣份不可言喻!

唔捨得?當然會啦!
不過,諗起仔囡們經過呢年擴闊眼界、看清自己人生的前路、學習不同文化,為佢地自己當然係好。此外,除咗自己的家庭,仲會有多個外國的family, 都會係幾得意同温馨的一回事!
😻
我問過呀仔,有冇啲比師奶的交流計劃,大家如果知道請講聲我知🙏🏻

AFS一年海外交流計劃
http://www.afs.hk/zh-hant/programs/year-exchange-program/
他們在世界各地都有頗多地方可以選擇,一般都會派學生到小市鎮。而選擇國家方面,個人意見是到一個不懂當地語言的國家,雖然起初孩子會變咗啞巴,不過環境會迫著他們去學習,過了大約聖誕的時候,都應該掌握到日常生活需要的基本詞彙和人溝通。我相信,多學一種語言,多一張刀在身,得益往往都是自己,受用一生一世。

你更可考慮不用辛苦去懷胎十月,現成就可以收留外籍仔囡返嚟屋企湊一年,只要你家有張空床位便可申請成為接待家庭
http://hong-kong.afssite.afs.org/zh-hant/
* 接待家庭是沒有酬勞的,他們義務付出愛心照顧外來學生,也當然希望值此認識不同文化,所以,在這段期間,家庭成員及學生都是會很真誠的相處;我相信,他們這年的相處,彼此的感情也會維持此生。

 

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s